Портокалова фаза во Македонија: Ослободени од работа бремените жени и хронично болните
Од денеска државата е зафатена со високи температури од портокалова фаза. Поради тоа, Владата донесе препораки за ослободување од работа на бремените жени и хронично болните лица.
Во градинките се препорачува да не се практикува физичка активност на отворено и да не се изнесуваат децата надвор од 11 до 17 часот. Работодавачите да ги почитуваат законските обврски во насока на одредени технолошки и производни процеси, кои претставуваат дополнителен ризик за здравјето на работниците.
Се апелира и до граѓаните внимателно да се движат во шумите и да избегнуваат дејствија кои на отворен простор можат да предизвикаат пожар.
Поради високите температури, од Црвениот крст на Град Скопје најавија дека 30 обучени волонтери ќе патролираат на најфекфентните локации во градот – автобуски постојки, амбуланти, пазари… од 21 до 28 јули.
– Тимовите ќе делат шишиња вода, а по потреба ќе вршат мерење на крвниот притисок на граѓани кои ќе се пожалат на здравствени проблеми. Сите граѓани ќе добијат совети за начините за превенција од високите температури. Во интервентни случаи, доколу се забележи посериозен здравствен проблем, тимовите ќе врашат транспорт до најблиската здравствена установа, или пак до домот на лицето кое има потреба од терапија во домашни услови, информираа од Црвениот крст на Град Скопје.
Во пунктот за бездомници на Црвниот крст во Момин Поток на располагање е и мобилниот телефон 071/223-972 за дојави од граѓани за бездомници кои се погодени од топлотниот бран.
Ново на Сител
-
Андоновски: До 2035 година Македонија целосно дигитализирана
-
Судски совет: Судството не било ажурно во првиот квартал, причина малку судии и многу неработни денови
-
Британија ќе и испорача 100 илјади дронови на Украина
-
Пандев: Да се прават промени во Македонија е многу тешко, но ние сме оптимисти за иднината
-
Поради сообраќајка затворен за сообраќај патот Струмица – Валандово
-
При претрес во Кочани пронајдена дрога, приведено едно лице
-
Во Келн почна најголемата операција за отстранување бомби по Втората светска војна
-
Гласањето во АФЕТ по извештајот за земјава одложено за 24 јуни