Украински војници убиваат заробени руски сили | ФОТО
Видеото објавено на Телеграм во понеделникот наводно покажува како украински војници убиваат заробени руски сили во село во близина на Киев, според извештајот на Њујорк Тајмс.
Видеото го верификуваше Тајмс, но оваа медиумска куќа реши да не го објави поради бруталните сцени на ова видео. Според Тајмс, на ова видео се гледа како украински војник трипати пука во руски војник, додека друг маж вели: „Тој е сè уште жив. Снимајте ги овие разбојници. Види, тој сè уште е жив. Задишан е“.
На видеото, објави Тајмс, се гледаат уште тројца руски војници кои лежат мртви во близина, а тие биле идентификувани со бели ленти кои обично ги носат руските војници. Еден од војниците има рана на главата, а рацете му се врзани зад грб, се наведува.
Војниците се опкружени со опрема и лежат на патот во близина на пешадиското возило, кое го користат руските десантни единици, вели воениот експерт Роб Ли.
Според Business Insider, на снимката се гледаат украинските војници покрај лавовските појаси што ги носат. И тие постојано повторуваат: „Слава на Украина“, но не е јасно на која единица припаѓаат.
Украинската новинска агенција објави дека оваа заседа е дело на „Грузиската легија“, група грузиски доброволци, која е формирана во 2014 година и која дошла да се бори во Украина, пишува Тајмс.
Се вели дека видеото е снимено северно од селото Дмитривка, околу седум милји југозападно од Буча. Претходно оваа недела се појави снимка на која се гледаат цивили убиени во Буча, а телата беа откриени по повлекувањето на руските војници. Украинските власти соопштија дека стотици цивили се убиени и откриени масовни гробници во градот.
Ново на Сител
-
СДСМ: Мицкоски да го праша Орбан зошто унгарскиот амбасадор гласал за одвојување на Македонија и Албанија
-
Сиљановска Давкова на прием кај Бајден
-
АХВ: По сомнежот на труење со храна во „Ѓорѓија Пулевски“ наредено затворање на кујната
-
Мицкоски: Унгарија е наш стратешки сојузник, продолжува економската соработка помеѓу двете држави
-
ДЗС и Народна Банка потпишаа договор за соработка и размена на податоци
-
Oрбан: Грешка е што преговорите на Северна Македонија со ЕУ се’ уште не се започнати
-
Ученици од ОУ „Ѓорѓија Пулевски“ со симптоми на труење
-
Со возило излетал од пат во Ѓорче Петров, загина 72-годишник