Претседателот Иванов на меѓународна конференција во Рим
Претседателот на Република Македонија Ѓорге Иванов денеска и утре престојува во работна посета на Италијанската Република каде што ќе учествува на 7. Состанок на високо ниво во организација на Меѓународниот центар „Низами Ганџави“ и Италијанското друштво за меѓународни организации - Иницијатива за глобален дијалог во мултиполарен свет што се одржува во Рим.
Како што соопшти кабинетот на македонскиот претседател, на состанокот кој ќе се одржи во Италијанскиот сенат, претседателот Иванов ќе се обрати на воведната сесија насловена „Одговор на радикализацијата и екстремизмот преку меѓурелигиски дијалог“.
За време на работната посета на Италија, предвидено е претседателот Иванов да има повеќе средби со учесници на конференцијата.
Учеството на македонскиот претседател на овие состаноци е резултат на неговата посветеност во остварувањето на целите на Алијансата на цивилизациите на ОН, како и на одличната соработка со Меѓународниот центар „Низами Ганџави“ и Италијанското друштво за меѓународни организации – Иницијатива за глобален дијалог во мултиполарен свет. Претходно, претседателот Иванов има учествувано на состаноците во Баку, Софија и во Рим, се вели во соопштението од неговиот кабинет.
Ново на Сител
-
ОЈО: Скопјанец осомничен за семејно насилство, предложен притвор
-
При претрес на началник во полициската станица пронајден солзавец и муниција
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска
-
ОЈО почна истрага за членот на „Десна“ кој се ослободил од пиштолот со кој Палчо пукал
-
Кумановец возел со 2,37 промили алкохол во крвта па удрил во паркирано возило
-
Уапсени двајца возачи, едниот возел со 1,90 промили алкохол, другиот со 1,60 промили алкохол во крвта
-
Јаневска: Воведување на вештачката интелигенција е следен чекор во процесот на дигитална трансформација на образовниот систем