Советот на ЕУ за Украина: Европската безбедност е неделива
– Советот на ЕУ денеска соопшти дека усвоил заклучоци за европската безбедносна ситуација во кои се наведува дека европската безбедност е неделива и дека секое оспорување на европскиот безбедносен поредок влијае врз безбедноста на ЕУ и нејзините земји-членки.
Во своите заклучоци, Советот ги осудува континуираните агресивни дејствија и закани на Русија кон Украина и ја повикува Русија на деескалација, да се придржува до меѓународното право и да се вклучи конструктивно во дијалог преку воспоставените меѓународни механизми.
Во соопштението на Советот се потсетува на изјавата на шефовите на држави и влади на ЕУ на состанокот на Европскиот совет во декември 2021 година дека секоја натамошна воена агресија на Русија против Украина ќе предизвика огромни последици и сериозни трошоци.
ЕУ уште еднаш ја потврдува својата непоколеблива поддршка за независноста, суверенитетот и територијалниот интегритет на Украина и другите партнери од источното соседство во рамките на нивните меѓународно признати граници и ја повикува Русија повторно да се вклучи конструктивно во постојните меѓународни рамки за одржливо и мирно решавање на конфликти, наведе Советот на ЕУ со своето соопштение по седницата.
Советот го потврдува унифицираниот пристап на ЕУ и постојната силна соработка и координација со САД, НАТО, Украина и другите земји партнери и ја повторува важноста од натамошното зајакнување на отпорноста и способноста на ЕУ и нејзините блиски партнери, вклучувајќи го и спротивставувањето на кибер и хибридните напади, манипулирање со информации и мешање, вклучувајќи ги и дезинформациите, се додава во соопштението од денешната средба на министрите за надворешни работи на ЕУ.
Ново на Сител
-
Излезноста до 17 часот за претседателски избори е 42,32%, за парламентарни 46,93%
-
Пет лица повредени откако од патот излета возило со албански регистрации во Струшко
-
Во Охрид до 15 часот гласале околу 38, во Дебрца околу 37 отсто од гласачите
-
Во Тетово до 15 часот за претседател - 21,31 проценти излезеност, за пратеници - 37,01 отсто
-
Во Охрид до 15 часот гласале околу 38, во Дебрца околу 37 отсто од гласачите
-
Во Гостивар до 15 часот излезеноста за претседателските под 20 проценти, за парламентарните 26,6 проценти
-
ДИК: Излезеноста до 15 часот за претседателските избори 33,73 отсто, а за парламентарните 37,44 проценти
-
Излезноста до 15 часот во Дебар, за претседателските избори 15 отсто, за парламентарните 23 отсто