Ердоган: ЕУ останува стратешки приоритет на Турција
Турскиот претседател Реџеп Тајип Ердоган синоќа во Анкара изјави дека и покрај фактот што неговата земја е изложена на неправда, Европската унија останува стратешки приоритет за Турција, јави Анадолија.
Ердоган во палатата Чанкаја им се обрати на амбасадорите на земјите членки на Европската унија во Турција каде зборуваше за односите меѓу неговата земја и ЕУ.
Тој рече дека на сите треба да им биде јасно дека Турција направила големи напори во контекст на борбата против илегалната миграција и тероризмот.
– Да не беа нашите напори, мигрантската криза уште повеќе ќе се продлабочеше, бројот на жртвите ќе беше поголем, тероризмот ќе станеше уште подив, нестабилноста ќе зафатеше многу поширока област, оцени Ердоган.
Тој рече дека ЕУ треба да спречи саботажа на односите меѓу Турција и Европа, криејќи се зад изговорите за солидарност во Унијата.
– Се надеваме дека Европската унија ќе се ослободи од стратешката кусогледост во 2022 година и ќе ги развива односите со Турција похрабро, рече Ердоган.
Тој, исто така, ја критикуваше ЕУ во контекст на кипарското прашање, велејќи: „За жал, ЕУ, додека слепо дејствуваше како портпарол на грчката страна, ги игнорираше правата и законите на кипарските Турци, кои се составен дел од областа”.
Тој рече дека секој што може објективно да согледа, јасно гледа и препознава дека „Турција е клучна земја за надминување на заканите со кои се соочува Европската унија”.
– И покрај сите неправди на кои бевме изложени, Европската унија останува наш стратешки приоритет, ние продолжуваме да се стремиме во таа насока, заклучи Ердоган.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера