Клуге: Можеме да видиме дека ни се приближува уште една бура на нови случаи предизвикани од Омикрон сојот
Директорот за Европа на Светската здравствена организација (СЗО) Ханс Клуге, вчера ги предупреди сите земји да се подготват за „значително зголемување“ на бројот на случаи на Ковид-19 предизвикани од Омикрон кој се шири и потврди дека оваа варијанта на коронавирусот досега главно се појавувала кај помладата популација.
На вчерашната прес-конференција во Виена, Клуге потврди дека од ноември, кога е откриен Омикрон, оваа варијанта се појавила во најмалку 38 од 53 земји на Европската зона на СЗО и веќе е доминантна во неколку земји, меѓу кои Данска, Португалија и Велика Британија.
Европскиот регион на СЗО ги вклучува Русија и другите поранешни советски републики, како и Турција.
– Можеме да видиме дека ни се приближува уште една бура. За неколку недели, Омикрон ќе стане доминантен вид во повеќе земји во регионот, туркајќи ги веќе преоптоварените здравствени системи до крајни граници, предупреди Клуге.
Податоците на СЗО покажуваат дека европскиот регион во последните недели има пријавено најголем број случаи на инфекции со коронавирус во светот, но уште пред појавата на сојот Омикрон, здравствените експерти предупредија на нови 700.000 смртни случаи меѓу пациентите со Ковид до март 2022 година.
Ново на Сител
-
Мицкоски: Состојбата во владината коалиција е одлична, ќе се случи средба со Таравари
-
Сите 80 општини поднеле апликации за реализација на проекти од вториот владин повик
-
Три лица се повредени при напад со остар предмет во кочанско
-
15-годишник со мотор удрил во малолетник
-
Две жени од Куманово нападнати од нивните партнери
-
Сопругата на глумецот Џорџ Клуни се соочува со забрана за влез во САД
-
Зголемена фреквенција на возила на Табановце, на останатите гранични премини нема подолги задржувања
-
Бројот на работници во индустријата намален за 3,9 проценти во првиот квартал