Почина 32-годишниот српски кошаркар Стеван Јеловац како последица од мозочен удар
Српскиот спорт доживеа тежок удар, почина 32-годишниот повремен репрезентативен на Србија во кошарка, Стеван Јеловац.
Јеловац, кој на клупски план ги бранеше боите на грчкиот АЕК, бил итно пренесен во болница на 14 ноември кога му се слошило за време на тренинг.
Се испостави дека крилниот центар имал мозочен удар, а како што соопшти неговиот клуб по првата интервенција на медицинските стручњаци, ситуацијата и понатаму била критична, „но стабилна“.
Но, на почетокот на неделава, поради сериозноста на ситуацијата, Јеловац на иницијатива на неговото семејство беше префрлен на лекување во Србија.
За жал, немаше спас за српскиот кошаркар, објавија во неделата вечерта бројни грчки медиуми.
За време на својата богата кариера, Јеловац играше за Визура, Мега, Црвена звезда, Анталија, Јувеказерта, Литвос Ритас, Сарагоса, Нижњи Новгород, Бросе Бамберг, Газиантеп и јапонскиот Сан-Ен Неофиникс.
За репрезентацијата на Србија настапуваше во квалификациите за СП 2019 година.
Ново на Сител
-
Литванскиот претседател со критики за германскиот канцелар за неактивност кон Русија
-
Американски медиуми: Припадници на гардата почнаа да пристигнуваат во Лос Анџелес
-
Министерот Муцунски утре во работна посета на Казхстан
-
Првата македонска фудбалска лига се намалува на 10 екипи
-
Уште една пријава од граѓанин за насилно одземена биста од Градските гробишта Бутел
-
Приведени битолчани со пиротехнички средства на натпреварот „Вардар 1961“ - „Пелистер“
-
Пациентите задоволни од медицинскиот кадар, но бараат подобри услови во штипската физикална терапија „Кежовица“
-
Приведено лице во Демир Хисар, возело под дејство на алкохол
