Таравари: На наша пратеничка лично Заев нудел пари за да премине кај нив
Власта нема 61 пратеник, тврди градоначалникот на Гостивар и генерален секретар на Алијансата за Албанците Арбен Таравари. Во интервју за Сител, Таравари рече дека групата на Алијанса е компактна иако е јавна тајна дека власта се шета наоколу со куферчиња пари кои им ги нуди на пратениците.
-Им дава сума пари за да преминат кај нив, но нашата група е компактна. Нашите пратеници знаат дека нашата цел е подобро утре за сите, а не да се биде дел од корумпирана влада, рече Таравари и потврди дека лично Заев ѝ нудел пари на пратеничка на Алијанса, но таа ги одбила.
На наша пратеничка ѝ нудел пари лично тој, но таа веднаш ги одбила, не сакала ниту да зборува со него за тоа. Ѝ се јавувале и другари на премиерот и други луѓе, но одбила, рече Таравари без да открие за колкава сума пари се работи.
Тој рече дека случајот не е пријавен, затоа што во државата никој не верува во системот.
-Во ненормална држава вакв работи се стандардни, рече Таравари, зборувајќи за исчезнувањето на Кастриот Реџепи.
-Знаете само кој беше спокоен, премиерот, министерот за внатрешни и ДУИ. Зашто ете така, нормално е еден ден еден пратеник да исчезне. Ова е циркуз држава, рече Таравари.
За оваа влада криминалните афери се знаат и без да постојат прислушкувани разговори. Не ви требаат разговори, тоа се гледа на сите страни. Не се знае каде однесе Боки 13 милион и пол евра. Во Мавровка се радеше објект, не се знаеше кој е сопственикот, па два месеци се бараше кој треба да го урне тој објект за на крај Али Ахмети да отиде таму и да испие кафе.
Ново на Сител
-
Македонија загуби од Финска на отворањето на Златната лига 2025
-
Путин потпиша закон со кој се казнува продажба на енергетски пијалоци на деца
-
Тешка несреќа на патот Скопје-Тетово загина 19-годишна девојка и 3 лица се повредени
-
На српските навивачи нема да им биде дозволено да присуствуваат на натпреварот со Албанија
-
Приведени три лица во Тетово и Гостивар затоа што управувале возила под дејство на алкохол
-
Најтежок руски напад врз градот од почетокот на војната
-
Ана Брнабиќ: Со усвојување три медиумски закони, Србија ќе добие закони целосно усогласени со оние на ЕУ
-
Утре топло со температура до 38 степени