Германија на помлади од 30 години ќе дава само Фајзер
Германскиот комитет за вакцинација (STIKO) денеска објави дека на граѓаните помлади од 30 години смее да им се дава само вакцината Бионтех-Фајзер.
Одлуката дојде откако студии покажале дека помал број млади луѓе развиле воспаление на срцето откако биле вакцинирани со вакцината Модерна, што не е забележано кај постари од 30 години.
СТИКО препорача и трудниците, без разлика на возраста, да се вакцинираат само со Фајзер, јави Дојче Веле.
Предлогот за препорака сега оди до германските покраини и дополнителна група експерти на разгледување и, можеби, ревизија.
Француската агенција за јавно здравје вчера препорача на лица под 30 години да им се дава вакцината на Фајзер кога е достапна, наместо Модерна, која „има релативно поголем ризик од проблеми со срцето“.
ЕМА претходно оваа година соопшти дека утврдила можна врска меѓу ретко воспаление на срцето и вакцините на Фајзер и Модерна против Ковид-19. Но, придобивките од двете вакцини засновани на технологијата на мРНА ги надминуваат ризиците, соопшти агенцијата, а тоа е ставот и на американските регулатори и на СЗО.
Ново на Сител
-
Во БиХ продолжува потрагата по исчезнатите во поплавите и свлечиштата во Јабланица, досега најмалку 20 загинати
-
ЈСП: Бесплатен јавен превоз за „Бела ноќ“, изменет сообраќаен режим за Скопски маратон
-
ИДФ се обидува да влезе во јужниот либански град Одаисеј, експлозии и во Бејрут
-
Бајден: Да бев на местото на Израел ќе размислев дали да ги гаѓам иранските нафтени постројки
-
Облачно со повремени врнежи од дожд, наместа засилен ветер
-
Поплавени куќи и улици во Тетово
-
Од детство во војна до пензија во независна држава | Атанас Костовски | Sitel Podcast 061
-
ЦУК: Можни излевања и проблеми во градовите ако има поројни дождови