Коњановски: Битола отсекогаш била прогресивна, предвесник на сите победи
Битола отсекогаш била прогресивна, предвесник на сите победи, изјави кандидатот за градоначалник од ВМРО ДПМНЕ Тони Коњановски кој вчера победи во првиот круг од Локалните избори во тој град.
На прес-конференција Коњановски се заблагодари за поддршката од битолчани и ги повика и во вториот круг заеднички да ја прослават победата и неговиот избор за иден градоначалник на Битола.
-Ви благодарам што ме препознавте како еден од вас, битолчанец, граѓанин кој сака да работи заедно со вас, за да живееме овде, подобро и во поубава Битола. Ви благодарам за довербата, за мудроста, за заедништвото. Битола мора да се развие и да биде вистински дом на сите кои живеат во Битола. Битола отсекогаш била прогресивна, предвесник на сите победи, ви благодарам што останавте горди и силни, и што не дозволивте да ве уплашат заканите и што не замолчивте под притисокот на државниот апарат. Вчера покажавте дека нашиот живот, нашиот глас, не е за некој да прави трговија со него. Два и два се четири во трговијата, но во политиката народот не смее да биде користен за калкулации и изборни математики. Секој битолчанец има свој силен глас и вчера го даде за подобро живеење. Така ќе биде уште еднаш, на 31 октомври, кога ќе се гласа за подобра Битола, за силен локален економски развој, за нови работни места, за развиена инфратруктура, истакна Коњановски.
Ново на Сител
-
Најмалку девет лица загинаа во самоубиствен бомбашки напад во црква во Дамаск
-
Рубио: Светот е побезбеден по американските напади врз Иран
-
На Богородица и Табановце од македонска страна се чека околу еден час
-
Скопјанец ја повредил својата четиригодишна ќерка, предложен притвор
-
Израел го отвори воздушниот простор по американските напади врз Иран
-
11 наши државјани чекаат евакуација од Тел Авив, летовите ќе бидат обновени во зависност од безбедносната ситуација
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле