Земан ја обвини групата Муслиманско братство за миграциската криза во Европа

Чешкиот претседател Милош Земан ја обвини фундаменталистичката група Муслиманско братство за миграциската криза во Европа.

Таа исламистичка организација е прогласена за терористичка и е забранета од египетската Влада во 2013 година, откако армијата го собори од власт претседателот исламист Мохамед Морси.

Земан неодамна ги оквалификува бранот мигранти како „организиран упад“, а во интервју за Чешкото радио денеска тој рече: „Сметам дека тоа е упад организиран од Муслиманско братство“.

Земан додаде дека таа информација ја добил од ОАЕ и од Мароко.

– Според податоците таа организација им служи како „чадор“ на исламистичките екстремисти и сака да го води целиот свет, нагласи Земан.