Џерлек: Наводите за масовно вакцинирање на Македонците во Србија се дезинформации
Државниот секретар во српското Министерство за здравство, Мирсад Џерлек, изјавил дека наводите за масовно вакцинирање на луѓе од Македонија во Србија се дезинформации, пренесува „Tanjug”.
Тој истакнал дека за вакцинација преку порталот „еУправа“ може да се пријават странци кои имаат престојувалиште во Србија или коишто се во постапка за добивање престојувалиште.
– Мора сите да се придржуваат до приоритетите. Нема да се откажеме од оперативниот план. Здравјето и животите на нашите граѓани се на прво место – рекол Џерлек.
Запрашан дали странци доаѓаат во Србија и дали плаќаат за вакцинација, тој рекол дека тоа се дезинформации и дека станува збор за луѓе кои имаат двојно државјанство.
– Луѓето од ИТ секторот на Владата на Србија, кои ја водат еУправата, водат строга сметка за тоа. Приказната за масовно доаѓање на луѓе од Македонија кои се вакцинираат се дезинформации. Постојат луѓе кои имаат двојно државјанство, и си го користат тоа право. Постојат некои случаи, но тоа е занемарливо. Да се зборува за масовно вакцинирање на луѓе е дегутантно – навел Џерлек.
Тој потоа додал дека ја поддржува изјавата на претседателот Александар Вучиќ дека доколку има можност, треба да им се помогне на соседите.
Ново на Сител
-
Во Скопје се одржа шестата Парада на гордоста
-
Сиљановска-Давкова прими Американци кои се на аџилак во земјава
-
На Табановце од македонска страна се чека околу 30 минути
-
Бугарија има јасен план за воведување на еврото од 1 јануари 2026 година, соопшти бугарската Влада
-
ОЈО: Скопјанец осомничен за семејно насилство, предложен притвор
-
При претрес на началник во полициската станица пронајден солзавец и муниција
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска