Шекеринска: Нема што да дискутирам со Каракачанов која сум и што сум, ако тој сака да биде Македонец нека повели

За да се постигне договор треба да има желба од двете страни, не само во Владата туку и во целата држава ние има да се реши проблемот,  ако има само половина од тоа на бугарската страна ќе го решиме проблемот, рече денеска министерката за одбрана Радмила Шекеринска, при гостување во Дневникот на „Сител“ одговараќи на прашање за став во врска со Бугарија и жестоките изјави на Каракачанов, споменувајќи го дури и нејзиното семејство.

- Јас сум горда и сигурна во себе, мојот идентитет и во својата Македонска изворна идентификација и нема што да дискутирам со Каракачанов која сум и што сум, ако тој сака да биде Македонец нека повели. Нашето право е наше право, многу од тие изјави не ни е од полза. Тој што е сигурен во себе, во својот идентитет и својот јазик нема потреба толку да се пени и објаснува. Покажуваме многу поумно и посигурно размислување, отколку другата страна- рече Шекеринска.