Османи и Захариева во нов обид за договор
Нова можност за изнаоѓање договор меѓу Македонија и Бугарија. Шефот на дипломатијата Бујар Османи и неговата колешка Екатерина Захариева денеска на нова средба во рамките на Берлинскиот процес.
На онлајн средбата министрите ќе бидат придружувани од првиот човек на германската дипломатија Хајко Мас. Состанокот на шефовите на дипломатиите претходи на одржувањето на Самитот на оваа германска иницијатива утре во Софија, со која оваа година копретседаваат Македонија и Бугарија.
Во пресрет на средбата и од двете страни не се откажуваат од изнаоѓање решение за отворените прашања. Премиерите Заев и Борисов во вчерашниот телефонски разговор се согласиле да продолжи директната комуникација, но и преку владините претставници и тимови. Тоа е во интерес на двете земји и во интерес на европските интеграции, констатирале шефовите на двете влади.
До одржувањето на Советот на општи работи во Брисел, по кој дефинитивно ќе се знае дали Македонија во декември ќе ги почне преговорите, останува уште една седмица. Тоа е малку време, порачува Османи, но Македонија има премногу вложено и премногу сме блиску за да дозволиме да ја пропуштиме оваа шанса, вели шефот на дипломатијата.
Горан Симоновски
Ново на Сител
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд
-
76-годишна прилепчанка измамена за 380.000 денари - ја убедиле дека внука ѝ ќе оди во затвор
-
Оштетен автомобилот на скопјанка по тепачка со жена на Бит Пазар
-
Скопјанец нападнат од својот малолетен внук