Жена во Виена ги убила своите три деца, па се пријавила во полиција
Австриската полиција ја истражува смртта на две девојчиња и едно момче во Виена чија мајка била уапсена денеска откако повикала полиција и рекла дека ги убила своите деца.
31-годишната жена рано утрово повикала полиција и рекла дека ги убила своите деца и дека сака да изврши самоубиство, соопшти виенската полиција.
Полицијата дошла во станот во областа Донауштад каде ја уапсила жената која си нанела повреди и ги пронашла телата на деца.
Тригодишно девојче и осуммесечно момче биле веќе мртви, а најстарото, деветгодишно девојче сè уште давало знаци на живот, па итно било пренесено во болница, но лекарите не успеале да ја спасат.
Судскиот лекар рекол дека децата најверојатно починале од задушување. Сепак, засега не е познат мотивот за убиството.
Мајката и таткото на децата се повредиле меѓусебно при насилна расправија пред неколку недели. По инцидентот, властите му наредиле на таткото привремено да се исели од станот, соопшти полицијата.
Сепак, портпаролот посочи дека кавгата не мора да е поврзана со убиството на децата.
Сличен ваков настан се случи пред околу еден месец и во германскиот град Золинген кога 27-годишна мајка уби пет свои деца на возраст од една до осум години.
Истражителите и за тој случај изразија сомнеж дека мајката го извршила злочинот откако се разделила со сопругот и била емоционално нестабилна.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот