Ракометарките на Норвешка ги обединија трите титули

 

 

Норвежанките во финалето на 22-то Светко првенство кое се одржа во Данска, ја убедливо победија Холандија со 31-23, окако целата работа ја завршија уште во првото полувреме кое го добија со 20-9.

 

За Норвешка ова е трето злато на Мундијалите, откако првите две ги освоија 1999 и 2011 година. Воедно ракометарките од оваа земја ги обединија трите најсјајни одличја од големите натпреварувања. По олимпиското злато од Лондон 2012 и европското од минатата година од Будимпешта, сега го придодадоа и златото од Светското првенство.

 

Во „малото финал’’ ракометарките на Романија со 31-22 ја победија Полска и на крајот шампионатот го завршуваат како трето рангирани. Романската ракометарка, Кристина Неагу со 61 постигнат гол е најефикасната ракометарка на првенството.

 

Русија e петта по победата над домаќинот Данска со 25-21, додека Франција заврши на 7.место откако убедливо ја победи Црна Гора со 34-23. 

 

Шампионот Норвешка директно обезбеди пласман на Летните олимписки игри во Рио 2016 година, за кои преку дополнителни квалификации ќе се борат: Романија, Полска, Русија, Данска, Франција и Црна Гора. 

 

Следното Светскот првенство во 2017 година ќе се одржи во Германија.