ЦКГ: За две години власта потрошила над 8 милиони евра од парите на граѓаните за набавка на службени автомобили
8,1 милиони евра наши пари потрошиле државните институции во последните две години за да набават 392 нови патнички автомобили, покажува истражувањето на Центарот за граѓански комуникации.
Една четвртина од набавените нови возила се поскапи од 30.000 евра. Најмногу нови возила набавила владината Служба за општи и заеднички работи, 46 „Пасати“ по 39.000 евра секој. Сепак, најскапото возило го купила Општина Струга и чинело 66 илјади евра. Просечната вредност на возилата купени од државните институции изнесува 17 илјади евра.
Функционеите најмногу сакаат Шкода и Фолксваген. Безмалку половина од новите возила се од овие производители. Меѓу Флоксвагените омилен е Пасатот е меѓу Шкодите Октавијата.
„Конкуренцијата на тендерите за набавка на нови возила речиси и да не постоела. Дури на 71 отсто од тендерите имало само по една понуда и покрај големиот број дистрибутери на нови возила во земјава. Ова го отвора сомнежот дека државните институции доминантно си купувале такво возило какво што сакале“, се наведува во соопштението на Центарот за граѓански комуникации.
Александар Спасовски
Ново на Сител
-
САД издадоа предупредување до своите граѓани ширум светот за зголемена закана по нивната безбедност
-
Кривична против жители на Марена поради сомнеж дека краделе кабел за фотоволтаици за струја
-
Aрсовска: Запознајте го Бујар Аземи, сопственик на 12-катницата во Чаир, изградена без проект, на диво приклучена на струја, без платени комуналии
-
ЈП Лајка: Пронајдено младо куче затворено во напуштен автомобил без вода и храна
-
Фрлил кесичка кокаин, уапсен 35-годишник во Охрид
-
Расправија во Чаир заврши со пукање во воздух
-
Уапсени петмина во Драчево, се степале и оштетиле прозорци на куќа и автомобил
-
Поскапуваат горивата