Јапонски пратеник призна дека примил пари од кинеска компанија
Пратеникот од јапонската владејачка Либерално демократска партија Такаки Ширасука, призна дека примил еден милион јени или 9.300 американски долари од кинеска компанија заинтересирана за влез на јапонскиот пазар на коцкарници.
Локалните медиуми, повикувајќи се на извори упатени во случајот, објавуваат дека Обвинителството нема да поднесе обвинение за примање мито, бидејќи иако бил член на повеќепартиска група пратеници која промовирала изградба на одморалишта со коцкарници, тој немал овластувања за да може да влијае на одлучувањето.
Во друштво на тогашниот партиски колега и пратеник Цукасе Акимото, Ширасука го посетил седиштето на кинеската компанија „500.com limitid“ во Шенжен и едно казино во Макао во 2017 година, кога ги примил парите, а компанијата ги покрила и трошоците за неговите коцкарски жетони,посочува Кјодо.
Акимото беше уапсен минатиот декември поради корупција, а подоцна ослободен со кауција. Против него е покренато обвинение дека од кинеската компанија примил мито од околу 70.800 долари.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување