Турски сеизмолог предупредува на можен катастрофален земјотрес во Истанбул
Разурнувачки земјотрес со јачина од над 7 степени по Рихтеровата скала во областа на Истанбул не е далечна перспектива, предупреди турскиот сеизмолог проф. Наџи Горјур во изјава за Си Ен Ен -Турк.
Професорот предупредува дека, очекувањето на можен силен земјотрес во регионот на Марморното Море не е само претпоставка, туку научна реалност.
– Земјината кора под Мраморното Море почна да пука, изјави научникот.
Според Горјур, неодамнешната сеизмичка активност во Силиври, во округот Истанбул, може да е сигнал дека очекуваниот силен земјотрес во областа доаѓа дури и порано од очекуваното.
– Последните два земјотреси во морето кај Силиври се случија на западниот крај на Кумбургз, за кој очекуваме да пропадне, и ако тоа се случи, тоа би можело да предизвика земјотрес од најмалку 7,2 степени според Рихтеровата скала, рече тој.
Според него, во зависност од уривањата кои евентуално силен земјотрес би ги предизвикал, бројот на жртви ќе биде најмалку 120 илјади.
Професорот, исто така, предупреди дека под ризик од земјотрес е и Источна Анадолија.
Ново на Сител
-
Болните, затворениците и лицата во старските домови први гласаат на двојните избори
-
Акредитирани 1078 домашни и 770 странски набљудувачи за изборите на 8 мај
-
Израел испраќа делегација на преговорите и ги продолжува операциите во Рафа за да изврши воен притисок врз Палестинците
-
Одбележување на Денот на полицијата, посебен сообраќаен режим во општина Аеродром
-
Стано: Амбасадорите на ЕУ, САД, Германија, Велика Британија, Балтичките земји, нема да присуствуваат на инаугурацијата на Путин
-
Сообраќајот непречено, по претежно суви коловози
-
Сончево и топло со мала до умерена облачност
-
Приведени две лица во Чашка за поткуп при избори