Градоначалникот на Сеул, кој во петокот се самоуби, обвинет за сексуална злоупотреба
Поранешната секретарка на градоначалникот на Сеул, Парк Вон-сун, кој почина минатата недела, го обвини за четиригодишна сексуална злоупотреба.
Парк Вон-сун беше пронајден мртов еден ден откако неговата поранешна секретарка го пријави во полиција.
Секретарката на Парк изјави дека добивала фотографии од него во долна облека и била повикана во неговата канцеларија и ја замолил да ја прегрне.
Секретарката побара заштита од одговорните во Градското собрание на Сеул, но нејзините обвинувања се игнорирани и додаде дека злоупотребата продолжила и откако го променила работното место.
Парк беше омилен градоначалник на Сеул и два пати беше избран за прв човек на градската власт.
Телото на Парк беше пронајдено во шума во северен Сеул, откако тој остави проштална порака за своето семејство, по што беше пријавен за исчезнат, а полицијата верува дека извршил самоубиство.
Сеул прогласи петдневна жалост за 64–годишниот градоначалник, а пред Градското собрание е поставено телото на Парк за десет милионските жители да можат да се збогуваат од него.
Над 500.000 луѓе потпишаа петиција во која бараат граѓаните на Сеул да се откажат од оддавање почит на Парк, откако во јавност се појавија обвинувања за сексуална злоупотреба.
Ново на Сител
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци