Охриѓани загрижени пред продолжениот празничен полициски час
Одлуката за воведување целосен полициски час во кризните жаришта зафатени со коронавирусот за продолжениот викенд наиде на реакции кај граѓаните на Охрид на социјалните мрежи, кои стравуваат дека парцијалните одлуки за забрана за движење во Охрид ќе го наполни градот токму со граѓаните од местата каде има најмногу заразени со Ковид-19.
Охрид е меѓу градовите каде на сила викендов е делумен полициски час, односно забраната за движење ќе важи вечерва од 21 часот до 5 наутро, додека во останатите денови на викендот од 16 часот попладне до 5 часот наутро.
Угостителите во Охрид пак сметаат дека тоа ќе биде прва можност после олабавувањето на мерките да ги наполнат своите локали онолку колку што дозволуват протоколите за спречување на ширењето на заразата, но сигурно повеќе отколку во обичните денови кога се релативно слабо посетени. Иако локалите можат да работат до 22 часот, граѓаните на Охрид воглавно се воздржуваат да одат по кафеаните, уште помалку во рестораните. Може да се забележи посетеност на најпопуларните тераси каде се пие кафе, но посетеноста е далеку од вообичаеното за овој период минатите години. Веќе на социјалните мрежи се забележува и зголемен интерес за закуп на апартмани во градот за викендот.
Одговорното однесување на Охриѓани за време на најстрогите мерки за справување со последиците од епидемијата резултираа со релативно мал број инфицирани лица во градот.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228