Во Свети Николе нема заболено лице од коронавирус
Во денешниот здравствен билтен за новозарезени пациенти со коронавирус се нотира и случај од Свети Николе, но попладнево од Општинскиот кризен штаб информираат дека Свети Николе и понатаму успешно се справува со ширењето на вирусот, а денешниов случај е од соседната помала Општина Лозово.
-Се известуваат граѓаните на Општина Свети Николе дека согласно последните информации за заболено лице од Ковид-19, каде се споменува лице дека е заболено од Свети Николе, ве информираме дека се работи за лице од Општина Лозово, за кое е издадено решение за самоизолација. Со ова во Општина Свети Николе се уште нема заболени лица од коронавирусот, се вели во писменото соопштение од градоначалникот на Општина Свети Николе, Сашо Велковски.
Тој апелира до жителите на неговата општина да се придржуваат и понатаму на мерките и препораките на Владата, како и на Министерството за здравство и Општинскиот кризен штаб.
Ново на Сител
-
Прогласена вонредна состојба на грчкиот остров Хиос поради пожарите
-
Трамп: Никој да не ги зголемува цените на нафтата
-
Истрага за насилство против татко и неговите два сина, од кои едниот малолетен
-
Евакуација на четворица македонски државјани од Израел
-
ДУИ и ВЛЕН застанаа зад САД за Иран
-
Истрага за семејно насилство во Батинци – тешко повреден маж, вмешани татко, син и малолетник
-
САД издадоа предупредување до своите граѓани ширум светот за зголемена закана по нивната безбедност
-
Кривична против жители на Марена поради сомнеж дека краделе кабел за фотоволтаици за струја