Оздраве медицинската сестра Елена, симбол на борбата против Ковид-19 во Италија
Се излекува медицинската сестра Елена, чија фотографија снимена во болница во Кремона, кога после напорна работа, облечена во заштитна маска, ракавици и заштитно одело, заспала потпрена на компјутерска тастатура, го обиколи светот и стана симбол на борбата против коронавирусот во Италија.
Пет дена по фотографирањето, 43-годишната Елена се разболе, а сега се опоравува. По првиот, негативен тест, ја чека уште еден тест, а потоа таа може да се врати на работа.
– Едвај чекам, изјави Елена пред новинарите.
Оздраве и бебето Беатрис, кое како новороденче се зарази со коронавирус. Родено на 11 февруари, девојчето е донесено во болницата во Бергамо на контрола неколку дена по раѓањето и беше откриено дека е заразено. Таа остана во болницата повеќе од 20 дена и нејзините родители Марко и Марта не можеа да ја видат својата новородена ќерка за тоа време. И третиот тест за коронавирус е негативен, така што бебето Беатрис може да се врати дома.
Ново на Сител
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата
-
Вучиќ со одговор на Стејт департментот: Еве се дружам и пијам со Додик