Утре првата виртуелна министерска средба во историјата на НАТО
Министрите за надворешни работи на 30 држави на НАТО ќе разговараат в четврток на својата прва видео конференција во историјата, за одговор на Алијансата на пандемијата на коронавирус и други клучни прашања, објави денеска генералниот секретар на НАТО Јенс Столтенберг.
„Треба да се осигураме дека здравствената криза нема да предизвика безбедносна криза“, рече Столтенберг во видео конференција за новинари.
Тоа ќе биде прва видео-средба во 70-годишната историја на Алијансата. Пристапот до седиштето на НАТО во Брисел е ограничен за сите посетители, вклучително и новинарите, за да се минимизира ширењето на зараза.
– Ние се обидуваме да преземеме акција за превенција на Ковид 19, но НАТО продолжува да функционира, бидејќи заканите нема да исчезнат со чудо, рече Столтенберг.
Министрите за надворешни работи, исто така, ќе разговараат за улогата на НАТО во борбата против меѓународниот тероризам, вклучувајќи ја и мисијата за обука на ирачките сили, а потоа и за обезбедување долгорочен мир и стабилност во Авганистан.
Министрите ќе разговараат и за зајакнување на политичката улога на Алијансата. Генералниот секретар Столтенберг во вторникот назначи група од десет експерти кои ќе го советуваат како да се зајакне политичката димензија на Алијансата.
Во оваа советодавна група има пет жени и пет мажи. Копретседавачи на групата ќе бидат поранешниот германски секретар за внатрешни работи и одбрана Томас де Мезиер и Вес Мичел, помошник државен секретар за европски и евроазиски прашања.
Таа група ќе предложи препораки за зајакнување на единството на Алијансата, зајакнување на политиките за консултации и координација меѓу сојузниците и зајакнување на политичката улога на НАТО.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка