Непроодни локални патишта во Крива Паланка и Ранковце поради снежните врнежи
Висината на снежната покривка во повисоките места над 1.000 метри надморска висина во Кривопаланечко изнесува околу еден метар со наноси и соспи, поради што непроодни се неколку локални патишта во селата во близина на градот и во Ранковце.
Според информациите од Подрачното одделение на Регионалниот центар за управување со кризи во Крива Паланка, во консултација со ЈП „Македонија пат”, магистралниот пат А2, Куманово-Крива Паланка-граничен премин со Бугарија, Деве Баир е прооден, како и сите регионални патни правци во двете општини.
– Поради снежна покривка од околу еден метар отсечени се жителите на селото Дренак, каде е расчистен асфалтниот пат до селото Метов од страна на екипи на јавното претпријатие „Комуналец” од градот, задолжени за зимско одржување, но земјениот пат е непрооден. До селото Огут, регионалниот патен правец е прооден, додека ќе се чисти од „Комуналец” локалниот пат од селото Огут до селото Нерав. Во текот на денот возила за расчистување ќе работат на патниот правец кон селата Калин Камен и кон селото Костур, посочуваат од Подрачно одделение РЦУК, Крива Паланка.
Во општина Ранковце патот кон селото Герман е исчистен, висината на снегот е околу 20 сантиметри, наставниците и учителите стасале до училиштето и се одвива непречено настава, но поради силен ветар има наноси на патот и тој треба повторно да се расчистува во текот на денот.
Патиштата во општината од прв и втор приоритет се расчистени, како и пристапот до итните служби и воспитно-образовните институции.
Ново на Сител
-
На Табановце од македонска страна се чека околу 30 минути
-
Бугарија има јасен план за воведување на еврото од 1 јануари 2026 година, соопшти бугарската Влада
-
ОЈО: Скопјанец осомничен за семејно насилство, предложен притвор
-
При претрес на началник во полициската станица пронајден солзавец и муниција
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска
-
ОЈО почна истрага за членот на „Десна“ кој се ослободил од пиштолот со кој Палчо пукал
-
Кумановец возел со 2,37 промили алкохол во крвта па удрил во паркирано возило