Уапсени најмалку шест лица во акција на грчката полиција во атинската населба Ексархија
Најмалку шест лица се уапсени во атинската населба Ексархија што важи за собиралиште на анархисти, во акција на полицијата за спречување инциденти во рамки на одбележувањето на годишнината од студентскиот бунт и падот на хунтата, јави дописничката на МИА од Атина.
Уапсената група лица била на тераса на зграда, а кај нив биле пронајдени, меѓу другото, и молотови коктели, гас маски, камења и сл.
Во изминатите години, одбележувањето на 17 ноември завршуваше секогаш со инциденти токму во Ексархија, а непознати лица ја напаѓаа полицијата со молотови коктели од зградите во населбата.
Во центарот на Атина во тек е протестниот марш од Политехничкиот факултет, од каде што започна бунтот во 1973, до амбасадата на САД.
Центарот на грчката престолнина е под силно полициско обезбедување, а само пред американската амбасада има 18 полициски автобуси.
Како што јавува дописничката на МИА од терен, за сега ситуацијата е мирна, а протестниот марш се одвива масовно и без проблем.
Ново на Сител
-
Тешка несреќа на патот Скопје-Тетово загина 19-годишна девојка и 3 лица се повредени
-
На српските навивачи нема да им биде дозволено да присуствуваат на натпреварот со Албанија
-
Приведени три лица во Тетово и Гостивар затоа што управувале возила под дејство на алкохол
-
Најтежок руски напад врз градот од почетокот на војната
-
Ана Брнабиќ: Со усвојување три медиумски закони, Србија ќе добие закони целосно усогласени со оние на ЕУ
-
Утре топло со температура до 38 степени
-
Скопјанец приведен во Кавадарци поради агресивно и недолично однесување
-
Жител на Пепелиште пријавил напад од три лица, напад и врз неговите родители и бабата