-->
-->
Албанскиот претседател пред Анкетната комисија на 9 септември
-->
Албанскиот претседател Илир Мета на 9 септември во 10 часот ќе се соочи со парламентарната анкетна комисија,која ги испитува неговите наводни прекршувања на Уставот.
Поканата, потпишана од претседателот на комисијата Улси Мања, до Мета е доставена вчера доцна попладне. Тој е само еден од повеќето сведоци кои комисјата ќе ги покани за исказ околу ова прашање.
На големиот интерес од новинарите дали ќе ја прифати поканата или не доколку биде повикан, претседателот Мета вчера на Фејсбук потврди дека позитивно ќе одговори доколку биде поканет.
- Шефот на државата треба да биде пример за институционална соработка. Верувам дека во овие две години направив се за да ја воспоставам оваа соработка, со целосно почитување на Уставот, владеењето на правото и јавниот интерес. Второ, јас едвај чекам да се вратам во парламентот, напиша меѓу другото Мета.
Претходно по барање на комисијата од претседателскиот кабинет доставен е одговор на повеќе прашања на 20 страници. До комисијата одговор доставиле и Централната изборна комисија, Изборниот колегиум ( Изборен суд) и Центарот за официјални публикаци.
Истрагата за претседателот Мета ќе трае до 9 октомври.
Мета, е до сега највисок официјален претставник на албанската држава што се појавува пред анкетна комисија.
Во меѓувреме на 6 септември во Тирана доаѓа делегација на Венецијанската комисија откако по предлог на анкетната комисија на 27 јули албанскиот законодавен дом побара итно мислење од неа околу ова прашање.
Во барањето потпишано од спикерот на парламентот Грамоз Ручи, се бара одговор на осум прашања поврзани со должностите и надлежностите на претседателот на Републиката, посебно околу уставноста на одложувањето на локалните избори кои претходно ги закажа за 30 јуни.
-->
-->
-->
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година