Хан на средбата со Вучиќ повика на забрзување на реформите, особено на владеењето на правото
Српскиот претседател Александар Вучиќ и еврокомесарот за соседска политика и проширување Јоханес Хан имаа средба вечерва во Белград, на која е разговарано за ситуацијата на Западен Балкан и за следните чекори на Србија на европскиот пат, јави дописникот на МИА од Белград.
Во дискусијата за регионалната ситуација, претседателот Вучиќ и комесарот Хан посебно разговараа за застојот во дијалогот Белград-Приштина и настанатата ситуација по оставката на премиерот на привремените косовски институции Рамуш Харадинај, се наведува во соопштението од кабинетот на Вучиќ по средбата.
-Претседателот Вучиќ рече дека Србија во оваа прилика, како и секогаш, реагирала мирно и одговорно. Тој му се заблагодари на комесарот Хан за разбирањето и ангажирањето во деблокирањето на дијалогот помеѓу Белград и Приштина, се додава во соопштението.
Комесарот Хан уште еднаш ја истакнал својата подготвеност да се обиде да помогне за стекнување услови за продолжување на дијалогот помеѓу Белград и Приштина.
– Кога станува збор за европските интеграции, комесарот Хан ја повика Србија да го забрза процесот на реформи и да работи со поголема решителност за владеењето на правото, наведуваат од Кабинетот на српскиот претседател.
Претседателот Вучиќ му честиташе на комесарот Хан за неговата кандидатура за третиот мандат во Европската комисија, која е поднесена од страна на неговата држава, Австрија.
Еврокомесарот Хан утре ја продолжува посетата на Белград, со средба со премиерката Ана Брнабиќ, по која ќе се одржи прес – конференција.
Ново на Сител
-
До Нова година мониторинг, а потоа строги казни за оние што не го почитуваат Законот за нефер трговски практики
-
Просечната нето-плата во август 41 097 денари
-
Приведен бегалец од затвор, осуден на казна затвор од осум години
-
Столе Попов добитник на наградата „Живојин Жика Павловиќ“ за промоција на балканската кинематографија во светот
-
Посетителка во Зоолошката градина побарала да се тестира за птичји грип
-
Неделков: Вработените во Зоолошката постапиле согласно протоколите, на сметка на тоа се јавно линчувани
-
Таравари: Работиме на децентрализација на Онкологија, да функционира како Институтот за трансфузиологија
-
„Левица“ поднесе кривична пријава против Африм Гаши за законот за бранители