Тензична ситуација пред Националниот театар во Тирана
Тензична ситуација владее претпладнево пред Националниот театар во Тирана, од каде пред најавеното уривање на објектот, за денеска е планирано изнесување на предмети и други средства од објектот.
Од една страна е распоредена полиција која во поголем број е ангажирана да овозможи непречено изнесување на предметите, а од друга страна се наоѓаат членовите на Алијансата за обрана на театарот и граѓани кои се против уривање на овој значаен објект од албанската култура.
Тие се спротивставуваат на асистенцијата на полицијата и бараат таа да се повлече.
Досега ситуацијата, иако е тензична, сепак не се забележани инциденти.
Одлука за уривање на Националниот театар, без присуство на опозицијата, донесе албанскиот Парламент во септемри минатата година. Нов театар ќе се гради на друга локација.
Националниот театар се смета за еден од најубавите и најзначајни објекти по кој е препознатлива албанската метропола.
Тој е дело на италијанскиот архитект Џулио Берте, изграден 1938/39 година по барање на албанското кралско семејство. Целиот комплекс „Национален театар“ опфаќа површина од 13 илјади квадратни метри, а на седум илјади од нив е објектот во кој освен тетатарот има и библиотека, центар на преведувачи, информативен центар и слично.
Против негово уривање се изјасни опозицијата, поголемиот дел од албанските актери и дел од граѓанскиот сектор, кои обвинуваат дека Владата на премиерот Еди Рама на оваа атрактивна локација ќе дозволи изградба на повеќекатници.
Ново на Сител
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал