Лига на нации: Голем кам-бек на „лалињата“
Холандија ќе им се спротистави на домаќините Португалија предводени од Кристијано Роналдо во финалето на првото издание на Лигата на нации на УЕФА, откако по продолженијата со 3:1 ја совладаа репрезентацијата на Англија, иако „албионот“ имаше рана предност.
Во Гимараеш, Англичаните дојдоа во водство со гол од пенал на Маркус Рашфорд во 32. минута од мечот, откако Матијс де Лихт направи клучна грешка во шестнаесетникот. Но, во второто полувреме, тимот на Роналд Куман се врати посилен, и Де Лихт се „оправда“ со гол во 73. минута со кој тие обезбедија продолженија.
Во првото продолжение, Џон Стоунс направи несфатлива грешка пред својот шестнаесетник, подарувајќи му ја топката на Мемфис Депај, а одбиениот удар од голманот Пикфорд го „закачи“ Кајл Вокер за 2:1 водство на „лалињата“. Печат на победата и најавата за голем кам-бек на репрезентацијата која не успеа да се квалификува на две големи натпреварувања едноподруго (Евро 2016 и СП 2018), ја запечати Квинси Промес во 114. минута.
Резултатот значи дека Англија и по 53 години го чека своето прво финале на големите натпреварувања – тие ќе играат со Швајцарија во мечот за трето место.
Ново на Сител
-
Најмалку девет лица загинаа во самоубиствен бомбашки напад во црква во Дамаск
-
Рубио: Светот е побезбеден по американските напади врз Иран
-
На Богородица и Табановце од македонска страна се чека околу еден час
-
Скопјанец ја повредил својата четиригодишна ќерка, предложен притвор
-
Израел го отвори воздушниот простор по американските напади врз Иран
-
11 наши државјани чекаат евакуација од Тел Авив, летовите ќе бидат обновени во зависност од безбедносната ситуација
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле