Автомобил удри во авионот на Меркел
Еден автомобил удри во авионот на германската канцеларка Ангела Меркел на аеродромот во Дортмунд, поради што шефицата на германската Влада морала да се врати во Берлин со хеликоптер.
Авионот на германскиот Бундесвер, кој го користи Владата, од типот „Глобал 5000“, се наоѓал на паркинг позиција, соопшти германската армија.
Канцеларката требала со тој авион да се врати во Берлин.
Според германските медиуми, вработена на аеродромот, која возела црвен транспортер, поминувала покрај авионот со натпис „Сојузна Република Германија“, а кога го видела авионот, излегла од возилото за да направи фотографија со својот мобилен телефон.
Меѓутоа, заборавила да ја повлече рачната сопирачка, а нејзиното возило, без возач, тргнало кон авионот и удрило во него.
Во изминатите месеци зачестија проблемите со државните авиони на Германија.
Во април, при слетувањето во Њујорк на владиниот авион „Конрад Аденауер“, му пукна гумата на тркало, што предизвика доцнење на шефот на германската дипломатија Хајко Мас на седница во ОН.
Во февруари, Мас остана подолго во Мали, бидејќи беше откриен технички дефект на неговиот авион, кој требаше да го врати во Германија.
Претходниот месец, германскиот претседател Франк-Валтер Штајнмајер мораше да остане подолго во Етиопија, бидејќи неговиот авион се урна, а министерот за развој, Герд Милер, неодамна го продолжи престојот во Африка поради дефект на леталото со кое патуваше.
Ново на Сител
-
Без струја дел од корисниците во Бутел, Аеродром и Чучер Сандево, без вода во Кисела Вода и Центар
-
Голем пожар на Тасос, туристите се евакуираат
-
ДЗР: Државниот буџет бил доминантен извор за финансирање на изборните кампањи за Парламентарните избори 2024 година
-
Едно лица смртно настрада во сообраќајка во близина на Охрид
-
Тим од четата за атомско биолошка и хемиска одбрана на Армијата собира податоци за воздухот во Визбегово
-
Објавен повик за бројот 116 000 за повикувачки центар за исчезнати деца
-
ЦУК: Активни девет пожари, под контрола четири
-
Нормализиран сообраќајот кон ГП Блаце, од клучките Орман до Мирковци и на експресениот пат Ранковце-Крива Паланка