Премиерите Заев и Борисов си разменија писма со честитки за Велигден
Претседателите на владите на Република Северна Македонија и на Република Бугарија Зоран Заев и Бојко Борисов, по повод Велигденските празници разменија писма со честитки за радоста од просперитетот на односите меѓу братските народи на двете земји, и со желби за здравје и благосостојба.
Во своето писмо, информираат од владината прес-служба, претседателот на Министерскиот совет на Република Бугарија Бојко Борисов изразува уверување дека тој и премиерот Заев со уште поголема сила ќе ги насочат добрината, љубовта и смирението, како дарови од Велигденскиот празник, за придобивките од заедничката европска иднина на двата братски народи.
Со честитките за празникот Велигден до премиерот Борисов и до граѓаните на пријателска Бугарија, премиерот Заев, истакнува дека историската прилика што во ист период се на чело на Владите на двата народи е можност за вградување на силна посветеност и искрена љубов во односите на двете земји за унапредување на благосостојбата на граѓаните на двете земји.
-Им посакувам мирни и убави празнични денови на граѓаните на пријателска Бугарија и нека љубовта и милосрдието на кои не учи овој празник, бидат наш животен стил секој ден, се вели во писмото на премиерот Заев до Борисов, по повод празникот Велигден.
Ново на Сител
-
Иран вели дека го задржува правото на каков било одговор на „скандалозните“ американски напади
-
АХВ: Не издаваме никакви HACCP дозволи, туку само ја контролираме работата на операторите со храна
-
Трамп му се закани на Иран со нови напади ако не склучи мир
-
Земјотрес со јачина од 6 степени го погоди брегот на јапонскиот остров Хокаидо
-
Сончево со температура до 34 степени
-
Во Скопје се одржа шестата Парада на гордоста
-
Сиљановска-Давкова прими Американци кои се на аџилак во земјава
-
На Табановце од македонска страна се чека околу 30 минути