Бранови исфрлиле дрога на брегот на Црното Море
Романската полиција пронашла десетици пакети со кокаин со вкупна тежина од околу 100 килограми кои брановите ги исфрлиле на брегот на Црното Море, а надлежните претпоставуваат дека дрогата е дел од товарот кој беше откриен на брод што пред десетина дена се преврте во делтата на Дунав.
Според полициски извори, пакетите ги пронашле граѓани на плажите на романското приморје и пријавиле во полиција.
Полицијата на градот Констанца ги предупреди граѓаните да не ги отвораат пакетите на плажата, затоа што содржат опасни материи.
На брегот на Црното Море во тек е голема операција во врска со шверц на наркотици со која раководат романското обвинителство, полицијата, жандармеријата и граничарите.
Романските власти пред десетина дена запленија повеќе од еден тон кокаин со висок квалитет кој бил скриен на брод што се преврте во делтата на Дунав, а тогаш беше соопштено дека полицијата уапсила двајца Срби.
Уличната вредност на запленетата дрога се проценува на 300 милиони евра.
Ново на Сител
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ
-
Министерство за здравство: Ќе се утврдат причините за смртта на 14-месечно бебе