Планинарскиот клуб „Голак“ ја доби престижната награда „Даре Џамбаз“
Планинарски спортски клуб „Осогово“ од Кочани, ЗПСК „Кожуф“ од Гевгелија, Планинарски клуб „Македон“ од Скопје и делчевскиот Планинарски спортски клуб „Голак“ од Делчево го добија престижното признание „Даре Џамбаз“ што го доделува Федерацијата на планинарски спортови на Македонија (ФПСМ) за постигнати резултати во планинарството во 2018 година.
За претседателот на ПСК „Голак“, Љупчо Чучуковски, наградата ќе значи многу во насока на уште поголемо залагање на клубот во наредната 2019 година.
- Посебно сум среќен не само како претседател на ПСК „Голак“ од Делчево, туку и како координатор во југоисточниот регион од каде има дури три клубови кои ја понесоа оваа значајна награда. Сите четири клуба на свој начин дадоа допринос во планинарството и заслужено го поделија првото место. Ова за нас ќе биде мотив плус да продолжиме и во идниот период со нашите зацртани цели и целите кои ни ги постави федерацијата, вели Чучуковски.
Оваа награда, дополни, е за залагањето на сите членови на ПСК „Голак“ од Делчево и огранокот ПСК „Сосна“ Берово, како и на планинарите од Берово, Велес, Пехчево, Македонска Каменица и други градови од Македонија, како и повремените членови од градовите Пештера, Самоков и Софија од Бугарија.
Признанијата беа доделени од страна на претседателот на ФПСМ, Јовица Угриновски.
Популарно од Македонија
Ново на Сител
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска
-
ОЈО почна истрага за членот на „Десна“ кој се ослободил од пиштолот со кој Палчо пукал
-
Кумановец возел со 2,37 промили алкохол во крвта па удрил во паркирано возило
-
Уапсени двајца возачи, едниот возел со 1,90 промили алкохол, другиот со 1,60 промили алкохол во крвта
-
Јаневска: Воведување на вештачката интелигенција е следен чекор во процесот на дигитална трансформација на образовниот систем
-
Приведена бегалка од затвор, вратена е во КПУ Идризово
-
МЗ: Комисијата не најде грешка во работењето на Болница во Кавадарци во врска со починатото дете
