Лукаревска: УЈП подготвена за прогресивното оданочување
Управата за јавни приходи, како институција е подготвена за примената на новиот прогресивен данок, истакна при денешната посета директорката на УЈП, Сања Лукаревска.
Се очекува да се изгласа и новиот Закон за личен доход, по што ќе почне и примената на новиот прогресивен данок, а ќе бидат опфатени оние лица, кои земаат плата од над 90.000 денари. Таа забележува дека се уште не знаат колкав е бројот на даночните обврзници, кои ќе бидат опфатени со прогресивниот данок.
-Се уште ги правиме анализите, така да би знаеле што ќе стартуваме и сакаме евиденциите да ги средиме, имаме размена на податоци со многу други институции се со цел тоа прогресивно оданочување да го спроведеме најзаконски и најверодостојно, вели Лукаревска.
Инаку, во тек е електронското пријавување од страна на даночните обврзници. Нема казна за оние кои нема да се регистрираат.
-За она физичко лице, кое нема да се регистрира во нашиот систем согласно новата даночна реформа не постои казна. Меѓутоа даночното затајување е казниво по закон. Така да секој оној кој ќе сака да ги скрие своите дополнителни приходи, значи и дека прави даночно затајување, рече Лукаревска.
Директорката на УЈП, Лукаревска и градоначалникот на Општина Штип, Благој Бочварски денеска беа во посета на средното училиште за специјално образование и воспитание „Искра“. Вработените во УЈП секоја година на денот на даночните работници 29 Ноември „Свети Матеј“ донираат средства, оваа година собрале 109.000 денари, со кои се набавени постелнини и ДВД систем за учениците со посебни потреби, кои се сместени во интернатскиот дел на „Искра“.
-Ова е доказ дека Управата за јавни приходи не e само репресивен орган, којшто ги собира само парите на граѓаните, туку сакаме и да помогнеме таму, каде што е најнеопходно, рече Лукаревска.
Ново на Сител
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321
-
Цените на угостителски услуги во април зголемени за 2,5 проценти
-
Курти: Од четврток е можно заменување на српските со косовски регистерски таблички
-
Инфлацијата во април зголемена за 0,7 проценти во однос на март
-
Путин положи заклетва за новиот, петти по ред, претседателски мандат
-
Април годинава потопол од просечните многугодишни вредности
-
Вембањама прогласен за дебитант на годината во НБА