Вооружен маж уби еден студент и повреди 11 лица на универзитет во Кина
Вооружен маж уби еден студент и рани уште 11 лица денеска во Технички универзитет во југозападната кинеска провинција Јунан. Нападот е дел од серијата насилства на јавни места, велат локалните власти.
Дваесетгодишниот маж со презиме Јан ранил девет студенти и двајца професори во 11: 26 часот. Властите не прецизираа какво оружје било употребено и соопштија дека истрагата е во тек.
Злосторствата се релативно ретки во Кина, особено во големите градови, каде што безбедноста е зголемена, иако во последниве години се извршени серија на напади со ножеви, секири и автомобили.
Државните медиуми вчера јавија дека најмалку шест лица загинаа, а 18 се повредени откако автомобил удри во група луѓе, меѓу кои имаше и ученици. Инцидентот се случи пред основно училиште во градот Хулудао, североисточна Кина. Полицијата подоцна го уапси возачот на автомобилот.
Во октомври кинеската полиција соопшти дека бара 30-годишен маж по нападите со нож во северната провинција Хебеј.
Во септември во Кина беше убиен маж, кој во април уби 9 девет ученици и рани 11 лица во напад со нож во средно училиште во провинцијата Шанкси во централна Кина.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o