Дополнителен број автобуси на линиите 69 и 28
Во пресрет на верските празници Св.Петка и Св.Пантелејмон утре, задутре и во четврток, ЈСП Скопје ќе пушти во сообраќај дополнителен број автобуси на линиите 69 и 28.
Како што соопшти Јавното сообраќајно претпријатие „Скопје“, утре на линијата 69 која сообраќа од Транспортен центар до село Дивле ќе се реализира едно поаѓање, во 15.30 часот. В среда ќе сообраќаат три автобуса од село Дивле кон Транспортен центар, во 5:45, 15:30 и во 19:30 часот.
Овие поаѓања, како што се наведува, се вонреден превоз имајќи предвид дека автобуската линија 69 сообраќа само за време на викенди. Вонредниот превоз е по барање на црковниот одбор на „Св.Петка“.
ЈСП Скопје информира дека в среда и четврток ќе обезбеди дополнителен број автобуси на линијата 28.
В среда освен редовните поаѓања утврдени со летниот возен ред, автобус на линијата 28 од Транспортен центар кон Нерези (Македонско село) ќе има и во 17:20 часот, како и во 19.50 часот во обратен правец. В четврток вонреден автобус ќе има во 7:10 часот од Транспортен центар кон Нерези (Македонско село), односно во 11.20 часот во обратен правец.
ЈСП Скопје соопшти дека во овој случај одговориле позитивно на барањето на манастирот „Св.вмч.Пантелејмон“.
Ново на Сител
-
Извештајот на Вајц утре пред европратениците, Скопје очекува силна порака за македонскиот идентитет и јазик
-
Исплатени над 9 милијарди денари за земјоделците
-
Американските демократи со критики за Трамп: Со наредбата за напад врз Иран го прекрши Уставот на САД
-
Седници на седум собраниски комисии
-
Нетанјаху: Израел е блиску до остварување на своите цели во Иран
-
Отчет за сработеното во првата година на Владата
-
Трамп: Доколку режимот не може повторно да го направи Иран голем, зошто да не биде сменет
-
Сончево и топло, следува период на значителен пораст на температурите