Презентација на приоритетите на австриското претседателство со ЕУ
Австриската амабасадорка во Македонија Ренате Коблер пред членовите на собраниската Комисија за европски прашања денеска ќе ги презентира програмата и приоритетите за работата на Австриското претседателството со Советот на Европската Унија, кое започнува денеска и ќе трае до декември годинава.
На седницата на Комисијата поканети се координаторите на пратеничките групи во Собранието, претставници на невладиниот сектор и на дипломатскиот кор.
Австрија сака да го задржи фокусот на бугарското претседателство кон земјите од Западен Балкан. Република Македонија од Европскиот совет деновиве доби прецизна временска рамка за почеток на преговорите - јуни 2019 година - за полноправно членство во Европската унија, а во средината на јули со посетата на еврокомесарот Јоханес Хан и официјално ќе започне скринингот на македонските институции.
Шестмесечното претседавање на Австрија со ЕУ се случува во чувствителен момент имајќи го предвид очекуваното завршување на договорот за Брегзит и Буџетот на Унијата.
Австрија трет пат ќе претседава во Унијата. Првиот пат тоа беше во 1998, а потоа и во 2006 година.
Мотото под кое ќе се организираат активностите е „Европа која штити“, а главни приоритети ќе бидат миграциите и прашањата за безбедноста и конкурентноста на ЕУ, но и натамошното приближување на земјите од Западен Балкан кон Унијата.
Ново на Сител
-
При претрес во Струмица пронајден е хашиш
-
Приведен кавадарчанец кој возел со 1.74 промили алкохол во крвта
-
Повторно достапни закажувањата за термин за нова лична карта, возачка дозвола и пасош
-
Лавров: Учеството на севернокорејските војници во Курскиот регион го покажува непобедливото братство со Русија
-
Сиљановска-Давкова ќе се обрати и ќе го прогласи за отворено 65. „Охридско лето“
-
Русија во текот на ноќта жестоко ја нападна западна Украина со дронови и ракети
-
Работна посета на албанскиот претседател Бајрам Бегај во земјава
-
САД му воведе визни ограничувања на кубанскиот претседател за неговата улога во „бруталноста на режимот“