Путин положи заклетва за уште шест години во Кремљ
Рускиот претседател Владимир Путин денеска положи свечена заклетва за четврт претседателски мандат и со што тој ќе управува со земјата и во следните шест години.
- Додека стапувам на должноста претседател, посебно силна одговорност чувствувам пред нашиот многунационален народ, одговорност пред Русија, пред илјадагодишната историја на нашата земја, нашите претци, изјави Путин.
Тој истакна дека го смета за свој долг и смисла на живот да направи се што може за земјата. - Русија треба да биде современа и динамична, храбро да ги прифаќа предизвиците на времето и да го јакне своето лидерство во сферите каде сме традиционално силни, рече Путин пред насобраните гости по стапувањето на должност.
- Русија ќе биде силна, а народот ќе живее подобро, вети рускиот претседател и дополни дека историјата не простува една работа: рамнодушност и недоследност.
Путин оцени дека на Русија и се потребни продори во сите сфери и дополни дека исчекор ќе може да се направи само со слободно општество.
- Русија научи да ги брани своите интереси и повторно си ја врати гордоста за татковината. Менувајќи се заедно со светот, Русија не смее да ја заборави својата историја, самобитност и единство, порача рускиот претседател.
Претходно, во претседателската палата, пред околу 5.000 гости, Путин положи свечена заклетва.
- Се колнам дека во согласност со надлежностите на Руската Федерација, ќе ги почитувам и чувам правата и слободите на граѓаните, ќе го почитувам и штитам Уставот на Руската Федерација, ќе го заштитувам соверенитетот и независноста, безбедноста и целовитоста на државата и верно ќе му служам на народот, се заколна Путин.
По 18 години на власт, Путин денеска положи свечена заклетва за четврт претседателски мандат, откако на изборите на 18 март убедливо победи, освојувајќи повеќе од 76 отсто од гласовите. Тој ќе остане во Кремљ до 2024 година, кога ќе има 72 години.
Ново на Сител
-
Австриска министерка за надворешни работи: Путин губи време, Русија ќе биде преплавена со ковчези
-
Откако Израел прогласи „тактичка пауза“, пристигнаа 100 камиони со помош во Газа
-
Алиу: 205 милиони евра за болници кои инспирираат доверба, а не страв
-
Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови
-
До 18 часот вкупно 29 пожари на отворен простор, од нив 14 активни
-
Три жени осомничени за полови дејствија со деца и детска порнографија во гостиварско
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни