Кривична за скопјанец кој сакал да ограби аптека
Секторот за внатрешни работи до надлежното Основно јавно обвинителство во Скопје поднесе кривична пријава против лицето М.Ч (39) од Скопје, поради основано сомнение дека извршил кривично дело „разбојништво“, предвидено и казниво согласно чл.237 од КЗ на Република Македонија, при што се стекнал со противправна имотна корист од околу 25.000 денари.
Според МВР, пријавениот кривичното дело го извршил на 26-ти минатиот месец, околу 18:55 часот, во аптека лоцирана на булеварот „Кочо Рацин“ на тој начин што влегол во објектот и со закана со нож кон вработената и ги побарал парите. Таа се спротиставила, меѓутоа М.Ч. ја истуркал од работниот пулт, ја отворил фиоката каде што стоеле парите од дневниот промет и ги одзел парите. Потоа трчајќи излегол од аптеката во правец кон автобуската постојка наспроти Градска општа болница Св.Наум Охридски, каде што се качил во такси возило.
По преземени мерки и активности од страна на полициски службеници лицето е приведено во полициска станица, каде е извршен разговор во кој пријавениот во целост го признал и опишал начинот на извршување на кривичното дело.
Ново на Сител
-
Прогласена вонредна состојба на грчкиот остров Хиос поради пожарите
-
Трамп: Никој да не ги зголемува цените на нафтата
-
Истрага за насилство против татко и неговите два сина, од кои едниот малолетен
-
Евакуација на четворица македонски државјани од Израел
-
ДУИ и ВЛЕН застанаа зад САД за Иран
-
Истрага за семејно насилство во Батинци – тешко повреден маж, вмешани татко, син и малолетник
-
САД издадоа предупредување до своите граѓани ширум светот за зголемена закана по нивната безбедност
-
Кривична против жители на Марена поради сомнеж дека краделе кабел за фотоволтаици за струја