Починатиот манекен Александар ќе биде погребан во Малта- објавата за помош сепак била од семејството
Илија Грујовски, братот на починатиот битолчанец Александар, вели дека неговиот брат ќе биде погребан на Малта. Тој им се заблагодари на сите што биле поддршка на семејството по трагедијата што им се случи.
„Драги роднини и пријатели, како што знаете неодамна го изгубивме нашиот сакан брат и син Александар. Мојата фамилија и јас бескрајно ја цениме вашата подршка во овие тешки моменти. Благодарение на многу пријатели кои помогнаа да се соберат средства – сите трошоци околу погребот ќе бидат покриени“, стои во неговата објава на Фејсбук.
Тој вели дека сака да ја расчисти целата ситуација околу линкот за донации.
„Линкот за донации е покренат од нашето семејство во Австралија со цел да се помогне во оваа ситуација и беше поставен уште првиот ден кога никој немаше конкретни информации што ќе се случува понатаму во смисла каде ќе се одржи погребот. Желба на моето семејство е погребот на мојот брат да се одржи на Малта“.
Тој додава дека медиумите во Македонија објавувале статии за ннеговиот брат со цел да се помогне, но дека никој не ги консултирал, па дека контекстот во статиите е погрешно пренесен.
„Трошоците за погребот на Малта се големи и на нашата фамилија ѝ требаше финансиска помош. Уште еднаш од срце сакам да ви се заблагодарам за вашата помош и поддршка на сите кои сте со нас во ова време“, пишува Илија.
Ново на Сител
-
Буџетот на Србија во дефицит од 665 милиони евра
-
Си: Белорусија е вистински пријател на Кина
-
Соработката меѓу македонската и грчката полиција во фокусот на средбата Малиос – Јанев во Атина
-
Приведен 65-годишен скопјанец за поседување пиротехника без документација
-
Во Кисела Вода почна Skopje Street Food Festival – #Burgerology vol. 2
-
Камбовски: Разрешениот судија Енвер Беџети има право на жалба
-
Димитриеска-Кочоска - Славески: Ефикасна координција меѓу монетарната и фискалната политика за макроекономска стабилност
-
Андоновски: До 2035 година Македонија целосно дигитализирана