Кинези завршија во затвор поради јапонски униформи

Кинеските власти казнија со затворска казна од 15 дена две лица, кои на интернет поставија свои фотографии во јапонски униформи од Втората светска војна.

Властите соопштија дека двајцата мажи пристигнале во Нанкинг за време на Кинеската нова година, а дека фотографиите биле снимени пред бункерот што го користела кинеската армија за време на јапонската инвазија во 1937 година.

Јапонската инвазија на Кина започна на 7 јули 1937 година и траеше до 9 септември 1945 година, а за време на војната загинаа околу 20 милиони Кинези и 1,5 милиони Јапонци.