Фазлиу: Сите граѓани треба да имаат пристап до воедначени јавни услуги
Целта на Министерството за локална самоуправа е да се создадат услови за сите граѓани да имаат пристап до воедначени јавни услуги. Се уште се огромни развојните разлики меѓу Скопје и внатрешноста, меѓу поголемите урбани центри и руралните подрачја, што директно се одразува, не само на квалитетот, туку и на обезбедувањето на основните јавни улоги, истакна министерот за локална самоуправа Сухејл Фазлиу, на денешниот Форим „Јавните капитални инвестиции и регионалниот развој и улогата на меѓуопштинската соработка“.
Тој наведе дека во Програмата на Владата на Република Македонија, реномираниот регионален развој е приоритет од аспект на системска, праведна и транспарентна распределба на средствата, најавувајќи дека во претстојниот период ќе биде изготвена нова Стратегија за регионален развој за периодот 2020-2029 година.
- Сите деца треба да учат во пристојни училишта, сите граѓани да имаат пристап до канализациона мрежа и здрава вода за пиење, патна инфраструктура до секое и во секое населено место. Исто толку посветено треба да се работи на реализирање на големи проекти кои ќе овозможат развој на едно повисоко ниво, согласно европските стандарди и предизвици, посочи Фазлиу.
Луиза Винтон, постојаната претставничка на УНДП, со чија поддршка се одржува денешниот Форум, посочи дека заедничка идеја е да се направи поголема координација со цел да има поголеми капитални инвестиции во самите општини.
Целата на нашата програма е да ги дискутираме и надминеме регионалните диспаритети и да воспоставиме еден рамнотежен развој на ниво на општините. Одржливиот развој значи надминување на овие диспаритети, истовремено значи и еднакви можности за сите. Она што го забележуваме овде, од страна на Владата е голема заложба за надминување на овие диспаритети и воспоставување на урамнотежен развој, меѓутоа тоа е предизвик, истакна Винтон.
Ново на Сител
-
Во Скопје се одржа шестата Парада на гордоста
-
Сиљановска-Давкова прими Американци кои се на аџилак во земјава
-
На Табановце од македонска страна се чека околу 30 минути
-
Бугарија има јасен план за воведување на еврото од 1 јануари 2026 година, соопшти бугарската Влада
-
ОЈО: Скопјанец осомничен за семејно насилство, предложен притвор
-
При претрес на началник во полициската станица пронајден солзавец и муниција
-
Две лица на возраст од 52 и 77 години пронајдени починати во своите станови во Скопје
-
Голем пожар во Хрватска меѓу Омиш и Макарска