Сопругата на конгресменот Џонсон ќе се кандидира на неговото место
Ребека Џонсон, сопруга на конгресменот на американската сојузна држава Кентаки, Ден Џонсон, кој се самоуби откако беше обвинет за сексуално малтретирање, најави дека ќе се кандидира на неговото место во Конгресот.
Ден Џонсон (57) се самоуби во средата откако беше обвинет дека сексуално малтретирал 17-годишна девојка во 2013 година. Конзервативниот политичар беше свештеник во црква во околината на градот Луивил, а беше избран во Конгресот на Кентаки во јануари годинава.
Неговата сопруга Ребека изјави дека текстот објавен од страна на Центарот за истражувачко новинство на Кентаки претставувал вистински линч на нејзиниот сопруг со лаги и манипулации. Поради тоа, Ребека најави дека ќе се кандидира на неговото место. Обвинувањата врз Ден Џонсон се дел од серијата новинарски извештаи во кои американски политичари, актери, новинари и бизнисмени беа обвинети дека сексуално малтретирале жени.
Ново на Сител
-
Навивачи на АЕК предизвикаа инцидент во финалето против Алкалоид
-
Зеленски му испрати писмо на Трамп со предлози за соработка во областите на одбраната и трговијата
-
Алкалоид го совлада АЕК во првиот натпревар од финалето во ЕХФ Европскиот куп
-
Во амбасадата во Пекинг одбележан Денот на сесловенските просветители „Свети Кирил и Методиј“
-
Мицкоски за договорот со В. Британија: Ниту било побарано од мене, ниту ми паднало на памет градење мигрантски кампови
-
Папата Лав Четиринаесетти го прими Зеленски
-
Зеленски се сретна во Венс и Рубио во Рим
-
Скопјанец ограбил казино и ја нападнал вработената