Твининг проект за развој на интелигентен полициски модел

Твининг проект „Развој на напреден и интелигентен систем за прибирање и анализа на информации во борба против организираниот криминал“, финансиран од ЕУ, ќе биде спроведен во Министерството за внатрешни работи.

Целта на проектот, во вредност од 900 илјади евра, е да се развие интелигентно воден полициски модел за централните и регионалните полициски служби, што ќе обезбеди препораки за правните реформи и реорганизација на полициските структури преку поефикасна и ефективна меѓуагенциска соработка во областа на размена на информации.

На денешната промоција за проектот ќе се обратат министерот за внатрешни работи Митко Чавков, раководителот на секторот за соработка во Делегацијата на ЕУ Мартин Клауке, на директорот на Бирото за јавна безбедност Горанче Савовски, како и на австрискиот амбасадор Ренате Коблер и Паул Марушчек, лидер на проектот од земја членка на ЕУ.