Грчкото МНР враќа пари од сомнителни договори и меморандуми
Грчката државна каса е побогата за 3,6 милиони евра, откако преку Министерството за надворешни работи беа вратени парите од потпишан, а никогаш не спроведен договор на Грција со Африканската унија.
Како што соопшти грчкото Министерство, на 22 септември 2008 биле одделени 3.590.957,27 евра за финансирање на низа програми како резултат на потпишувањето на Меморандум за разбирање меѓу Грција и Африканската унија.
Меѓутоа, според соопштението од Министерството за надворешни работи на Грција, ниту планираните програми биле спроведени и реализирани, ниту тогашната грчка Влада се потрудила да го следи и да го контролира спроведувањето на договорот. Затоа, на 3 ноември годинава парите биле вратени во државната каса.
- Напорите на министерот за надворешни работи за враќање на средства доделени во минатото без неопходните гаранции, најчесто за сомнителни програми, вродија со плод. Денеска, заедно со горенаведениот износ (3,6 милиони евра) и со неодамнешното враќање на 2,5 милиони долари од САД од периодот 2008-2009, по долга и истрајна истрага, во касата влегоа повеќе од 14 милиони евра, се наведува во соопштенито.
Грчкото Министерството отвори внатрешна истрага за непотребно и неконтролирано трошење на средства, за скриени сметки и за борба со корупцијата.
Во март годинава беа вратени 2.5 милиони долари кои во 2008, кога шеф на грчката дипломатија беше Дора Бакојани, Службата за меѓународен развој и соработка на Министерството за надворешни работи на Грција ги доделила на Центарот за климатски промени на Карипската Заедница за спроведување на програми.
Ново на Сител
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах
-
Муцунски: Членството во НАТО придонесува за зајакнување на колективната безбедност
-
ЦУК апелира за редовно чистење на локалните одводни канали
-
Пациент почина на Инфективна поради компликации од Западно-нилска треска
-
Македонија воздржана: Генералното собрание на ОН ја поддржа палестинската резолуција за ставање крај на израелската окупација
-
Три последователни земјотреси ја погодија Грција