Во Македонија нема птичји грип, подигнато нивото на внимателност
По последниот случај на авијарна инфлуенца (птичји грип) во февруари годинава, во Република Македонија досега не е потврдено присуство на оваа болест ниту кај живината, ниту кај дивите птици, велат за МИА од Агенцијата за храна и ветеринарство (АХВ).
По информациите за присуство на птичји грип во европски и држави од регионот, АХВ го подигна нивото на внимателност.
Останува на сила обврската за одгледувачите на живина да пријавуваат зголемена смртност во јатата и сомнителни случаи на угинувања на диви птици или преселници.
Заради спречување на ширење на вирусот на птичји грип, Агенцијата, како што информира, континуирано носи решенија за забрана за увоз на живи животни и производи и нус производи од живина од земјите и регионите каде е потврдено присуството на оваа болест.
- На 15 ноември АХВ почнува со спроведување активности за надзор на „авијарна инфлуенца“ во Република Македонија што, кој секоја година се реализира преку земање крв од живина и диви птици за утврдување евентуално присуство на птичји грип, велат од АХВ.
Болеста најчесто се шири преку птиците преселници кои се сметаат за нејзин резервоар и од неа првенствено заболуваат птиците.
- Бидејќи станува збор за период на активност на дивите птици и преселниците, апелираме до одгледувачите на живина да преземат превентивни мерки за намалување на ризикот од појава или пренесување на оваа болест во јатата. Препорака е живината да се држи подалеку од области кои се посетувани од диви птици, да се контролира пристапот до одгледувалиштата на живина на луѓе и опрема, да се отстранат предмети од одгледувалиштето кои може да привлечат диви птици, да се одржува хигиена на имотот и објектите во кои се држат живината и опремата, да не се внесува живина/птици од непознат статус на болеста во јатото/одгледувалиштето, да се води евиденција за болни и угинати птици, соодветно да се отстранува ѓубрето и угинатата живина, препорачува АХВ.
Ново на Сител
-
Нетанјаху го поздрави Трамп за „храбрите напади“ врз иранските нуклеарни постројки
-
Две лица во Куманово го нападнале таксистот кој ги превезувал и не му платиле
-
Арагчи утре во Москва ќе се сретне со Путин
-
Три лица се претставувале како полициски служеници, па едниот од нив физички нападнал возач
-
Штипјанец под присила подигал брзи кредити, го продал својот мобилен телефон и крадел пари од својот татко
-
Министерството за здравство обезбеди 300 паркинг места во Лимак за вработените во Клинички
-
Македонската амбасада во Израел: Евакуација преку воздушен пат засега е невозможна
-
Гутереш: Американските напади врз три ирански нуклеарни објекти се опасна ескалација