Повредени четири лица во Скопје
Четири лица се полесно повредени во три од вкупно шест сообраќајни несреќи регистрирани во текот на изминатиот ден на подрачјето на СВР Скопје. Во три е причинета материјална штета.
Во текот на вчерашниот ден сообраќајната полиција откри и санкционира поголем број прекршоци, меѓу кои седум возачи кои не ги почитувале ограничувањата на брзината на движење, пет возачи што го управувале возилото под дејство на алкохол, пет возачи кои не ги почитувале правилата за престигнување, како и 14 возачи кои го управувале возилото без возачка дозвола, односно нерегистрирано. Затекнати се 56 непрописно паркирани возила.
Санкционирани се и осум пешаци кои поминале вон обележан пешачки премин, односно поминале на црвено светло на семафор.
Со помош на специјалното возило пајак, отстранети се 49 возила.
По повод одбележувањето на „Недела на детето“, Одделението за превенција денеска ќе реализира едукативни работилници со содржини од областа на сообраќајот и безбедноста на децата во сообраќајот, со децата од средна и голема група во детската градинка „11 Октомври“, објект „Бутел 2“ која се наоѓа на подрачјето на општина Чаир.
Ново на Сител
-
Приведени двајца скопјани, осомничени за крадење автомобил
-
Косовската претседателка Вјоса Османи доби смртна закана по електронска пошта
-
Заменик-министерот за земјоделство Фљакрон Беџети поднесе неотповиклива оставка
-
Анализа на дописникот на „Скај њуз“ од Москва: Украина и сојузниците ќе бидат разочарани и загрижени за исходот од разговорот меѓу Трамп и Путин
-
Бајден на Х: Ракот сите нè погодува
-
Трамп: Русија и Украина веднаш почнуваат преговори за завршување на војната
-
Путин по разговорот со Трамп: Подготвени сме за работа на меморандум со Украина, вклучувајќи и примирје
-
Папа Лав Четиринаесетти: Момент е за дијалог и градење мостови