-->
-->
Виљареал го отпушти тренерот
-->
Виљареал по убедливиот пораз од Хетафе (4:0) реши да му врачи отказ на тренерот Фран Ескриба. „Жолтата подморница“ во првите шест кола во Ла Лига забележа три порази.
Ескриба на клупата на Виљареал го наследи Марселино Гарсија Торал, кој по завршувањето на минатата сезона се пресели во Валенсија. Клубот соопшти дека во наредните 24 часа ќе го именува наследникот на Ескриба.
„Виљареал реши да го раскине договорот со Фран Ескриба. Клубот им се заблагодарува на Ескриба и на неговите помошници Јосеф Алкасер и Хосе Маскарос за нивната посветена работа со првиот тим и им посакува сè најдобро во нивните понатамошни кариери. Тренингот на првиот тим, кој требаше да биде одржан во 10 часот, е поместен и ќе се одржи во 18 часот. До крајот на денот клубот ќе го именува новиот тренер“, се наведува во клупското соопштение.
Ескриба е вториот тренер во Ла Лига кој од почетокот на сезоната оостана без работа. Пред десет дена Алавес му врачи отказ на Аргентинецот Луис Субелдиа и на неговото место го назначи Џани ди Бјази.
-->
-->
-->
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот