Заев: Очекуваме датум за почеток на преговори
Очекуваме на есен да се тргне условеноста на препораката за членство на Македонија во ЕУ, а следен чекор да биде и датум за почеток на преговори. Реформите што ги спроведуваме, начините на кои ги продлабочуваме добрососедските односи и градиме нови цврсти пријателства со светот, придонесуваат и кон НАТО интеграциите. Сметаме дека се реални нашите очекувања Република Македонија да биде и 30. земја членка на НАТО, рече премиерот Зоран Заев на денешната средба со холанскиот премиер Марк Руте во Њујорк.
Руте, како што соопшти владината прес-служба, истакна дека Холандија во целост го поддржува реформскиот процес што го почна новата Влада на Република Македонија и ги поздравува чекорите на државата за градење добрососедски односи и регионална соработка.
- Холандија останува силен поддржувач на Република Македонија во заложбите за постигнување на стратегиските цели, Европската унија и НАТО, нагласи Руте.
Премиерот Заев потенцира дека новата Влада е фокусирана на реформскиот процес што, рече, треба да донесе квалитетен живот на граѓаните и да ги отвори перспективите на државата кон ЕУ и НАТО, каде што земјата припаѓа.
Ново на Сител
-
Таткото на осомничениот за убиството на Данка Илиќ излегува на слобода
-
Касами: Добро оди целата процедура за договорање на следната влада
-
Внимавајте: Се шири линк до лажна веб страна на Владата која краде податоци за кредитни картички
-
Националниот ден на Власите - 23 Мај, неработен за припадници на влашката заедница
-
Поевтинуваат горивата ова се новите цени
-
Тешко повреден велосипедист во сообраќајка на Средно Водно
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор